അലനല്ലൂര്‍: ആര്‍ക്ക് വിരുദ്ധമാണെന്നു തോന്നിയാലും ഇസ്‌ലാഹി പ്രസ്ഥാനം എക്കാലത്തും ഉയര്‍ത്തിപ്പിടിക്കുന്ന അടിസ്ഥാന തത്വം തൌഹീദ് തന്നെയാണെന്നും ഈ വിശ്വാസത്തില്‍ നിന്ന് പലരും വ്യതിചലിച്ച് പോകുന്നുണ്ടെന്നും കേരള നദ്‌വത്തുല്‍ മുജാഹിദീന്‍ പ്രസിഡന്റ് ഡോ. ഇ കെ അഹമ്മദ്‌കുട്ടി പ്രസ്താവിച്ചു.

മുജാഹിദ് ജനസമ്പര്‍ക്ക ദ‌അ്വ പര്യടനത്തിന്റെ ഭാഗമായി എടത്തനാട്ടുകര യതീംഖാന യു പി സ്കൂളില്‍ നടന്ന മണ്ഡലം കണ്‍‌വന്‍ഷന്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മനസ്സിന് ഉറപ്പില്ലായ്മ മനുഷ്യന്‍ അനുഭവിക്കുന്നത് ഏറ്റവും വലിയ പ്രതിസന്ധിയാണെന്നും നിശ്ചയദാര്‍ഢ്യവും മനസ്സുറപ്പുമില്ലാത്ത അവസ്ഥയുമാണ് പലപ്പോഴും മനുഷ്യനെ നന്മയില്‍ മാത്രം ഉറച്ച് നില്‍ക്കുന്നതില്‍ നിന്നും തെറ്റിക്കുന്നതെന്ന് അദ്ദേഹം ഓര്‍മിപ്പിച്ചു. പാലക്കാട് ജില്ലാ കെ ജെ യു പ്രസിഡന്റ് അബൂബക്കര്‍ മൌലവി അധ്യക്ഷത വഹിച്ചു. അബ്‌ദുല്ലത്തീഫ് കരുമ്പിലാക്കല്‍, മുഹമ്മദ് ത്വയ്യിബ് സുല്ലമി, അബൂബക്കര്‍ മദനി മരുത, എ പി ഖാലിദ് ആസിഫലി കണ്ണൂര്‍, മുഹമ്മദലി അന്‍സാരി, പി എം ബാപ്പു ഹാജി, കെ ടി ഉമ്മര്‍, യൂസുഫ് ഫാറൂഖി, കെ പി ഉബൈദുല്ല ഫാറൂഖി, അബ്‌ദുല്ല കാപ്പുങ്ങല്‍, സി എച്ച് മജീദ്, അബ്‌ദുപ്പു ഹാജി, ടി പി അബ്‌ദുല്ല എന്നിവര്‍ പ്രസംഗിച്ചു.