കുവൈത്ത്: മുജാഹിദ് സ്റ്റുഡന്റ്സ് മൂവ്‌മെന്റ് കേരള റമദാനില്‍ സംഘടിപ്പിക്കുന്ന വിശുദ്ധ ഖുര്‍‌ആന്‍ വിജ്ഞാന പരീക്ഷയുടെ സെന്റര്‍ കുവൈത്തിലും. ഇന്ത്യന്‍ ഇസ്‌ലാഹി സെന്റര്‍ വിദ്യാര്‍ഥി വിഭാഗമായ എം എസ് എമ്മിനു കീഴിലാണ് പരീക്ഷ നടത്തുക. പരീക്ഷയുടെ സിലബസ് ആലു‌ഇം‌റാന്‍, ഫുസ്സിലത്ത് എന്നീ സൂറത്തുകളാണ്. മര്‍ഹൂം മുഹമ്മദ് അമാനി മൌലവിയുടെ ഖുര്‍‌ആന്‍ വിവരണം അടിസ്ഥാനമാക്കി ഒബ്‌ജക്ടീവ് രീതിയിലായിരിക്കും പരീക്ഷ. പ്രായഭേദമന്യേ ഏവര്‍ക്കും ഈ പരീക്ഷയില്‍ പങ്കെടുക്കാം. കേരളത്തിനും, കുവൈത്തിനും പുറമെ യു എ ഇ, ഖത്തര്‍, ഒമാന്‍ തുടങ്ങി ഇന്ത്യയില്‍ മറ്റു വിവിധ സംസ്ഥാനങ്ങളിലും പരീക്ഷയ്ക്ക് സെന്ററുകള്‍ ഉണ്ട്.