കുവൈത്ത്: “തെറ്റിദ്ധരിപ്പിക്കപ്പെടുന്ന ഇസ്‌ലാഹി പ്രസ്ഥാനം” എന്ന കുവൈത്ത് ഇന്ത്യന്‍ ഇസ്‌ലാഹി സെന്ററിനു കീഴില്‍ നടന്നുവരുന്ന ദ്വൈമാസ ആദര്‍ശ പ്രചരണ കാം‌പയിന്റെ ഭാഗമായി ആദര്‍ശ വിശദീകരണ യോഗം, ജൂലായ് 31 വെള്ളിയാഴ്ച വൈകു. 7.00 മണിക്ക് അബ്ബാസിയ കമ്യൂണിറ്റി ഹാളില്‍ നടക്കും. ഐ എസ് എം സംസ്ഥാന വൈസ് പ്രസിഡണ്ട് അബ്ദുല്ലത്വീഫ് കരുമ്പുലാക്കല്‍ പങ്കെടുക്കും.

സമൂഹത്തില്‍ പുരോഹിതന്മാരുടെയും നവയാഥാസ്തിതികരുടെയും നേതൃത്വത്തില്‍ പുനരാനയിക്കപ്പെടുന്ന വികല വിശ്വാസ-അനാചാരങ്ങള്‍ക്കെതിരെ ഇസ്‌ലാഹി പ്രസ്ഥാനത്തിന്റെ പ്രഖ്യാപിത നിലപാടുകള്‍ വിശദീകരിക്കുന്നതിന്റെ ഭാഗമായി സംഘടിപ്പിക്കുന്ന പരിപാടി പ്രസ്ഥാനത്തെക്കുറിച്ച് ചിലര്‍ സൃഷ്ടിച്ചിട്ടുള്ള സംശയത്തിന്റെ നിഴലുകള്‍ ദുരീകരിക്കുന്നതിന് സഹായകമാകുമെന്ന് ഐ ഐ സി കേന്ദ്രയോഗം വിലയിരുത്തി.

സംശയദുരീകരണത്തിനായി ഉള്‍പ്പെടുത്തിയിട്ടുള്ള ചോദ്യോത്തര സെഷന്‍ പൊതുയോഗത്തിന്റെ മുഖ്യ ആകര്‍ഷണമാണ്.

കൂടുതല്‍ വിവരങ്ങള്‍ക്ക്:
66171195, 97326896, 99846534 എന്നീ ടെലിഫോണ്‍ നമ്പറുകളില്‍ (കുവൈത്ത്) ബന്ധപ്പെടാവുന്നതാണ്.